«Մենք կվերադարձնենք մեր հողերը։ Մեր միակ ցանկությունն է հասնել այդ նպատակի իրականացմանը խաղաղ ճանապարհով»–TRT-ին տված հարցարզրույցում հայտարարել է Ադրբեջանի նախագահ Իլհամ Ալիևը։

Պատասխանելով լրագրողի հարցերին՝ նա ավելացրել է. «Հայերը միշտ երազել են Մեծ Հայքի մասին, ԽՍՀՄ–ը հայերի ամենամեծ օգնականն էր այդ գործում։ Առաջին արյունը թափվել է 1989–ին, հետո հայերը գրավել են ադրբեջանական հողերը»։

Ալիևի խոսքերով՝ Ադրբեջանը մշտապես բարձրաձայնում է տեղի ունեցող «անարդարության» մասին, և որ իրենք մեծ վստահությամբ են նայում ապագային. «Ադրբեջանը զարգանում է և օր օրի հզորանում։ Միաժամանակ Հայաստանն օր օրի թուլանում է։ Ադրբեջանի բնակչությունը տարեցտարի ավելանում է, Հայաստանինը՝ կրճատվում»։